गजल

कहलथि सरदार भुँइ भुँइ सिंग
जनते बेकार भुँइ भुँइ सिंग

हे नीपि पोति राखू आँगन
एथिन सरकार भुँइ भुँइ सिंग

असगर राजा असगर रानी
असगर दरबार भुँइ भुँइ सिंग

प्रेते सन छनि जीवन हुनकर
भेलथि असवार भुँइ भुँइ सिंग

कोन जुलुम जे अइ दुनियाँमे
चाहथि परचार भुँइ भुँइ सिंग

भने सुखाएल रहौ आँगन
अपने रसदार भुँइ भुँइ सिंग

सभ पाँतिमे 22-22-22-22 मात्राक्रम अछि। दू टा अलग-अलग लघुकेँ दीर्घ मानबाक छूट लेल गेल अछि। सुझाव सादर आमंत्रित अछि।