गजल

लोक कहइये नाम हमर अहाँ लैत रहे छी

हम तं अपने दर्द में ओझरायल रहैत छी

... हम नै नुकायल नै घबरायल रहैत छी
कियेक सोचक दोग मे अहाँ भासियेल रहैत छी

अहाँ मोन पाडलों ते हमरा यादि भ गेल
कियक हम सदिखन ओनायल रहै छी

छीन लेलों हमर ठोरक हंसी सभटा
केकरो कहाँ सँ अहाँ किएक बतियैत रहैत छी

के हमरा लेल बेकल, के बाट जोहै छैथ
तैयो अहाँ से मिलय ले बौआयल रहैत छी

अहाँ मानु नै मानु मुदा साँच तं इ 'भावना'
हम जिनगी से बढ़ी अहाँ सँ पियार केने छी !!

गजल

बैसल छैथ हृदय में हुनका कोना बिसराबी हम
अंकित छैथ एहि दिल में,चित्र कोना मेटाबी हम !

मुरझा क दिलक कली चैल गेलैथ बहार जकां
फेरो एहि बगिया में हुनका कोना बजाबी हम !

जिनगी क प्रार्थना में हुनका रखलों सदिखन

की की जुलूम ओ केलैथ से कोना बताबी हम !

साँस, खियाल आ सपना सभ टा ते हुनके अछ
प्रेमक रस्म अहिं कहू असगर कोना निभाबी हम !

उठल हूक करेज में आंखि नोर से हमर भरि गेल
"भावना" टूटल हृदयक ककरो कोना देखाबी हम !!

गजल

अहाँ लग आबैक मोन करैत अछि
नव चोट खेवाक फेर मोन करैत अछि !

सभ दिसि पसरल अछि ख़ुशी क लहरि
... ग़ज़ल गुनगुनेवाक मोन करैत अछि !

दुनिया के हम बड़ अजमेने छी आब
अहाँक अजमाबैक मोन करैत अछि !

ओ गप्प रहि रहि अवैत अछि यादि
जकरा बिसरेबाक मोन करैत अछि !

ठोर पर 'भावना' क खेलैत अछि हंसी
जखन नोर बहेबाक मोन करैत अछि !

कतेको बेर ह्रदय पर बिजुरी खसल
तैयो मुस्कुरेबाक मोन करैत अछि !

बदलि देलों आब अहाँ जिनगी हमर
दर्द अप्पन देखेवाक मोन करैत अछि !!

गजल

गजल

अहाँ सँ मिलवा लेल आयल छलों
आबि बहुत पछ्तेलहूँ हम

सोचि दूरी एहि असगरपन कें
ओहि राति बड देर धरि जागलों हम

पुरबैया केर झोंक जकां लोग कतेक
आयल, कतेको सँ ओकतायलहूँ हम

जाहि सोच में ओ डूबल छलाह
ओहि 'भावना' सँ घबरेलहूँ हम .