बुधवार, 1 मार्च 2023

गजल

जँ हम मरि जाइ कनिको नै अहाँ कानब 

बितल जे संग ओ सगरो  खुशी गानब 

 

करेजामे नुकोने छी कतेको दुख 

हमर सामर्थ जे मुँहपर हँसी आनब

 

जहर पी दर्द के हम चिन्हलौ दुनियाँ

नदीमे ठेल सिखने लोक अछि छानब 

 

द कर्जा मांगि देखू एक दिन ककरो 

सगर दुनियाँक माया छन्नमे जानब 

 

सिनेह प्रेम दोस्ती नाम मतलबकेँ 

कपट ‘मनु’ भेषमे सब एतए दानब

(बहरे हजज, मात्राक्रम : 1222-1222-1222)

 ✍🏻 जगदानन्द झा ‘मनु’

तोहर मतलब प्रेम प्रेमक मतलब जीवन आ जीवनक मतलब तों