शनिवार, 16 जुलाई 2022

गजल

लटकन झटकन सिंगार सोहावन
नव नौतारक संसार सोहावन

नै बँचतै कोनो शब्द वा साहस
सत्ता चाहै प्रतिकार सोहावन

खा रहलै दुखमे बोरि सुख सुविधा
बहुरुपिया के परचार सोहावन

आगूमे लाशक ढेर तइ बादो
सुनिते रहलै जैकार सोहावन

ओ सपना इच्छा बेचि लेने छै
बड़का बड़का पैकार सोहावन

सभ पाँतिमे 22-22-22-1222 मात्राक्रम अछि। सुझाव सादर आमंत्रित अछि। 

कोई टिप्पणी नहीं:

एक टिप्पणी भेजें

तोहर मतलब प्रेम प्रेमक मतलब जीवन आ जीवनक मतलब तों