सबूतक कमी नै निशानक कमी नै
दरेगक कमी छै फरेबक कमी नै
रहल लाश सड़िते हमर संग अनको
चिता के कमी या जमीनक कमी नै
कहींपर बुझौअलि कहींपर पहेली
समय साल कोनो रहस्यक कमी नै
कतौ भूख नै छै कतौ रोग नै छै
कहत बात ईहो गवाहक कमी नै
सही लेल दुनियाँ अभावे गनेलक
गलत लेल देखू कुबेरक कमी नै
सभ पाँतिमे 122-122-122-122 मात्राक्रम अछि। ई बहरे मुतकारिब मुस्समन सालिम अछि। सुझाव सादर आमंत्रित अछि।
कोई टिप्पणी नहीं:
एक टिप्पणी भेजें