गजल

जतबए हुअए भाइ टाहि दिऔ
निशिबद्दताक जड़ि उखाड़ि दिऔ

नीक काज के रोकए जे
डाँड़ ओकर ससारि दिऔ

काज जँ नहि हुअए सोझ बाटे
भाभट अपन पसारि दिऔ

भुतिआ गेलै मनुखताइ मोन सँ
कने कुशलक खढ़ी उचारि दिऔ

अनचिन्हारक करेज भीजल काठ
कने प्रेमक आगि पजारि दिऔ

गजल

चीजे जखन बेकार छैक कमार की करतैक
लोहार कि करतैक सोनार की करतैक

खेत त छैक मुदा खेतिए नहि
सुखाड़ कि करतैक दहार की करतैक

भावना दबल हो जतए पाइक तरें
प्यार की करतैक लचार की करतैक

टीस बढ़ए त आशीष लग आउ
चिन्हार की करतैक अनचिन्हार की करतैक