गजल

आसक डोरि टूटि चुकल अछि
भाग्यक घैल फूटि चुकल अछि

आबो मोन बाट तकै छै
रस्ता कहिये छूटि चुकल अछि

की कहियै समैक ई लीला
प्रेमक गीत कूटि चुकल अछि

छलियै प्रिय हुनकर कहियो
खिस्सा बनि क' छूटि चुकल अछि

"ओम"क मोन मोर बनल छै
मोनक तान लूटि चुकल अछि

दीर्घ-दीर्घ-दीर्घ-ह्रस्व, दीर्घ-ह्रस्व, ह्रस्व-दीर्घ-दीर्घ प्रत्येक पाँतिमे एक बेर। दोसर शेरक दोसर पाँतिमे आ तेसर शेरक पहिल पाँतिमे एकटा दीर्घकेँ ह्रस्व मानबाक छूट लेल गेल अछि। सुझाव सादर आमंत्रित अछि।