शनिवार, 13 फ़रवरी 2021

भक्ति गजल


मैया हमर जगतारनि कल्याणी 
सबहक अहाँ सुधि लेलौं महरानी 

नै हम मिलब माँ बाटक गरदामे
चिंता किए जेकर माय भवानी  

जग ठोकरेलक सदिखन ढेपासन 
देलौं शरण निर्बलके हे दानी

दर्शन अपन दिअ हे अम्बे माता 
नै सोन झूठक चाही नै चानी

धेलक चरण 'मनु' तोहर हे मैया 
नै आब जगमे ककरो हम जानी 
(मात्रा क्रम : २२१२-२२२-२२२)
जगदानन्द झा 'मनु'

कोई टिप्पणी नहीं:

एक टिप्पणी भेजें

तोहर मतलब प्रेम प्रेमक मतलब जीवन आ जीवनक मतलब तों