फरेबक नियम मुँहजबानी बतेलक
मरबकेँ विकासक निशानी बतेलक
अपन खर्चकेँ मानि बैसल जरूरति
हमर खर्चकेँ ओ फुटानी बतेलक
जखन तर्क मँगलहुँ तकर बाद बुझलहुँ
अपौरुष कहीं आसमानी बतेलक
नरेटी दबेलक कियो आबि चुप्पे
कियो आबि चुप्पे कहानी बतेलक
कनी बात ठोकर सिखा गेल हमरा
कनी बात ई बुद्धिमानी बतेलक
सभ पाँतिमे 122-122-122-122 मात्राक्रम अछि आ ई बहरे मुतकारिब मुस्समन सालिम अछि। सुझाव सादर आमंत्रित अछि।
कोई टिप्पणी नहीं:
एक टिप्पणी भेजें