जहर डुबल छै बान सुपारी
लइए लेलक जान सुपारी
सूनब कठिन अवाज सुदीनक
पथने रहलै कान सुपारी
की देबै उपदेश सिनेहक
चीन्है अप्पन आन सुपारी
खिस्सा खतम आ पैसा हजम
सद्धम बद्धम पान सुपारी
महँगा महँगा बाँचल रहलै
सदिखन भेलै दान सुपारी
सभ पाँतिमे 22-22-22-22 मात्राक्रम अछि। ई बहरे मीर अछि। सुझाव सादर आमंत्रित अछि। "सद्धम बद्धम पान सुपारी" ई पाँति बच्चामे सूनल पाँति अछि।
कोई टिप्पणी नहीं:
एक टिप्पणी भेजें