गुरुवार, 13 जनवरी 2022

गजल

ओ जहिया भेलै बटुआधारी
ओ तहिये बनलै इच्छाधारी

हमर सर्वनाम बनि अबैत रहल
हलंत सन के किछु संज्ञाधारी

ई सभ अदौसँ होइत एलैए
पनीरक जाँघ तर सतुआधारी

जे उपरा उपरी निष्ठा मानै
से भितरे भीतर तृष्णाधारी

काजुल लोकक लाशपर रहै छै
गिद्ध बनि कऽ सदिखन तगमाधारी

सभ पाँतिमे 22-22-22-22-2 मात्राक्रम अछि। दू अलग-अलग लघुकेँ दीर्घ मानबाक छूट लेल गेल अछि। ई बहरे मीर अछि। सुझाव सादर आमंत्रित अछि।

कोई टिप्पणी नहीं:

एक टिप्पणी भेजें

तोहर मतलब प्रेम प्रेमक मतलब जीवन आ जीवनक मतलब तों