खेतक उपजा पैकार लेने जाइए
जे बाँचल से सरदार लेने जाइए
देहक कांति चलि गेलै पेटक आगिमे
कलमक धार पुरस्कार लेने जाइए
एनाइ गेनाइ खाली हाथ मुदा किछु
लोक चितापर आभार लेने जाइए
जतबे सुलभ भेलै समाधान अइठाम
घुरछी ततबे विस्तार लेने जाइए
बिन सोंगर दुब्बर बूझै छै अपनाकेँ
तँइ जहाँ तहाँ दरबार लेने जाइए
सभ पाँतिमे 22-22-22-22-22-2 मात्राक्रम अछि। दू अलग-अलग लघुकेँ दीर्घ मानल गेल अछि। ई बहरे मीर अछि। सुझाव सादर आमंत्रित अछि।
कोई टिप्पणी नहीं:
एक टिप्पणी भेजें