शुक्रवार, 19 मार्च 2021

गजल

विदित भेल अजुका समाचार सभटा
रहल अंत लेकिन निराधार सभटा

कियो छै खसल आ कियो छै शिखरपर
रचल खेल विधना धुँआधार सभटा

सगर काज देखू लकड़पेंच लागल
अपन आन संसार बेकार सभटा

कलापर टका केर दाबी बहुत छै
मधुर माछ मदिरा चिलम आर सभटा

कहीं एक दुनियाँ बसेने रही हम
मुदा कर्म बनलै हवलदार सभटा

हजूरक महलमे कते बाजि सकितहुँ
रहल बेरपर चुप वफादार सभटा

सभ पाँतिमे 122-122-122-122 मात्राक्रम अछि आ ई बहरे मुतकारिब मुस्समन सालिम अछि। सुझाव सादर आमंत्रित अछि।

कोई टिप्पणी नहीं:

एक टिप्पणी भेजें

तोहर मतलब प्रेम प्रेमक मतलब जीवन आ जीवनक मतलब तों