अपने एना अपने मूँह-47

जनवरी २०२२ मे कुल ४ टा रचना प्रस्तुत भेल जाहिमे अभिलाष ठाकुरक १ टा भक्ति गजल, आशीष अनचिन्हारक २ टा गजल एवं १ टा अपने एना अपने मूँहक प्रस्तुति अछि।

फरवरी २०२२ मे कुल २ टा रचना प्रस्तुत भेल जाहिमे आशीष अनचिन्हारक १ टा गजल एवं १ टा आलोचना अछि।

मार्च २०२२ मे कुल ३ टा रचना प्रस्तुत भेल जाहिमे आशीष अनचिन्हारक ३ टा गजल अछि।

अप्रैल २०२२ मे कुल १ टा रचना प्रस्तुत भेल जाहिमे आशीष अनचिन्हारक १ टा गजल अछि।

मइ २०२२ मे कुल १ टा रचना प्रस्तुत भेल जाहिमे आशीष अनचिन्हारक १ टा भक्ति गजल अछि।

जून २०२२ मे एकौटा रचना नहि अछि।

जुलाइ २०२२ मे कुल २ टा रचना प्रस्तुत भेल जाहिमे आशीष अनचिन्हारक २ टा गजल अछि।

अगस्त २०२२ मे कुल ३ टा रचना प्रस्तुत भेल जाहिमे आशीष अनचिन्हारक १ टा गजल, १ टा आलोचना अछि। जगदीश चंद्र ठाकुर अनिल जीक १ टा समीक्षा आशीष अनचिन्हार द्वारा प्रस्तुत भेल अछि।

सितम्बर २०२२ मे कुल १ टा रचना प्रस्तुत भेल जाहिमे आशीष अनचिन्हारक १ टा गजल अछि।

अक्टूबर २०२२ मे कुल १ टा रचना प्रस्तुत भेल जाहिमे आशीष अनचिन्हार १ टा आलोचना अछि।

नवम्बर २०२२ मे कुल ३ टा रचना प्रस्तुत भेल जाहिमे जगदानंद मनु जी केर १ टा रुबाइ एवं आशीष अनचिन्हार २ टा गजल अछि।

दिसम्बर २०२२ मे कुल ७ टा रचना प्रस्तुत भेल जाहिमे जगदानंद झा मनु जी केर ४ टा रुबाइ आ २ टा गजल अछि। १ टा अपने एना अपने मूँह अछि।

रुबाइ

दुनिया जँ नै पुछलक तँ कोनो बात नहि

राखू मोन अहाँ इ तेहनो बात नहि

चिन्है सगर समाज आइ धनीकेकेँ

‘मनु’केँ जँ जाइ बिसरि एहनो बात नहि

                ✍🏻 जगदानन्द झा ‘मनु’

रुबाइ

जे जन्म देलन्हि ओ कहलन्हि गदहा 

जे पोसलन्हि ओ  मानलन्हि गदहा

गदहा जँका सगरो जिन्दगी बितेलहुँ

जिनका बियाहलहुँ ओ बुझलन्हि गदहा

                 ✍🏻जगदानन्द झा ‘मनु’

 

रुबाइ

मुँह पर दरद आबि जेए ओ मरद नै

जे हर बहैत  बसि जेए ओ बरद नै 

जिम्मेदारी घरक ल गेल विदेशमे 

केना ‘मनु’ बुझलक जेए ओ दरद नै

             ✍🏻जगदानन्द झा ‘मनु’

 

गजल

जखन सगरो दर्द भेटल 

अपन सीलौं ठोर रेतल 

 

द’बल अपने हाथ गरदनि 

तखन के ई नोर मेटल 

 

घरक बन्हन छोरि दुनिया

सटल जतए नोट गेटल 

 

भरोसा करु आब कोना 

लखन भेषे चोर फेटल 

 

दहेजक ‘मनु’ चारिचक्का  

बियाहक पहिनेसँ सेटल 

(बहरे मजरिअ, मात्राक्रम 1222-2122)

जगदानन्द झा ‘मनु’

गजल

जखन मोन कानल गजल कहलौं

रहल कोंढ़ छानल गजल कहलौं 

 

जमाना सुतल छल जखन नींदसँ

तहन राति जानल गजल कहलौं 

 

लगन भेल तीसम बरख धरि नहि

पड़ोसनसँ गानल गजल कहलौं 

 

जुआ छल लदल कांहपर लोकक

पसीनासँ सानल गजल कहलौं 

 

उमर ‘मनु’ बितल आर की करबै 

अपन मोन ठानल गजल कहलौं 

(मात्राक्रम सभ पाँतिमे 122-122-1222)

जगदानन्द झा ‘मनु’

रुबाइ

नैन्हेटा हाथमे केहन लकीड़ छै

नै माय बाप ई केहन तकदीर छै

धो धो कऽ ऐँठ कप लकीड़ो खीएलै

नै सुनलक कियो ई दुनियाँ बहीर छै

             ✍🏻जगदानन्द झा ‘मनु’