अहाँ सादा कागद परक पहिल कोनो आखर छी
हिया जकरा चिन्है हमर पहिल नेहक सागर छी
नयनमे छी सदिखन अहाँ विष्णु ब्रह्मा शिव बनि कय
सहारा जीवनकेँ हमर अहीं मोनक आदर छी
दुखक भारसँ जीवन हमर जखन टूटय लागैए
सिनेहक जे छाहरि दिए दुलारक ओ आँचर छी
सगर दुनिया हँसि देखलक हमर खाली जेबी टा
हिया बुझलक जे देखि कय अहीं मोनक गागर छी
चरण छू कय भेटय जकर सगर तीर्थक फल 'मनु'केँ
अहाँ मैया ममतामयी हमर भागक आगर छी
(मात्राक्रम : 1222-2212-1222-222 सभ पाँतिमे)
✍🏻 जगदानन्द झा ‘मनु’
कोई टिप्पणी नहीं:
एक टिप्पणी भेजें