गजल

आर सिस्टम पार सिस्टम

मारि देलक सार सिस्टम

हाथ चाबुक जेब भारी खूजि गेलै द्वार सिस्टम

के नदी छै के समुंदर

बाप छै ई धार सिस्टम

नीक कहियो भेल हेतै

आब भेलै भार सिस्टम

बाँझ खेतक मोन अतबे चोख चाही फार सिस्टम

सभ पाँतिमे 2122-2122 मात्राक्रम (बहरे रमल मोरब्बा सालिम वा बहरे रमल सालिम चारि रुक्नी) अछि। सुझाव सादर आमंत्रित अछि। आर जिलेबी पार जिलेबी ई हमर लिखल बहुत पुरान गजल अछि जकर प्रयोग एहिमे हम केलहुँ।