केकरो चाहि कऽ देखि लेलियै हम
मोनकेँ डाहि कऽ देखि लेलियै हम
पेटमे डूबि कऽ आबि गेलियै आ
भूखकेँ थाहि कऽ देखि लेलियै हम
उम्र लग कोन कहाँ नियत खजाना
उम्रकेँ ढाहि कऽ देखि लेलियै हम
अंतमे घूमि कऽ आबि गेल इच्छा
जीहकेँ साहि कऽ देखि लेलियै हम`
आब तैयार कऽ सकबै नीक लहठी
नोरकेँ लाहि कऽ देखि लेलियै हम
सभ पाँतिमे 2122-11-212-122 मात्राक्रम अछि। अंतिम शेरक पहिल पाँतिमे एकटा दीर्घकेँ लघु मानल गेल अछि। सुझाव सादर आमंत्रित अछि।
कोई टिप्पणी नहीं:
एक टिप्पणी भेजें