गजल
अहाँ लग आबैक मोन करैत अछि
नव चोट खेवाक फेर मोन करैत अछि !
सभ दिसि पसरल अछि ख़ुशी क लहरि
... ग़ज़ल गुनगुनेवाक मोन करैत अछि !
दुनिया के हम बड़ अजमेने छी आब
अहाँक अजमाबैक मोन करैत अछि !
ओ गप्प रहि रहि अवैत अछि यादि
जकरा बिसरेबाक मोन करैत अछि !
ठोर पर 'भावना' क खेलैत अछि हंसी
जखन नोर बहेबाक मोन करैत अछि !
कतेको बेर ह्रदय पर बिजुरी खसल
तैयो मुस्कुरेबाक मोन करैत अछि !
बदलि देलों आब अहाँ जिनगी हमर
दर्द अप्पन देखेवाक मोन करैत अछि !!
कोई टिप्पणी नहीं:
एक टिप्पणी भेजें