कुटीमे आइ साँवरिया आबि गेलै
करेजक तार सभ सोहर गाबि गेलै
पिया बुझिते हमर मोनक दर्द कनिको
कतेको दुख अपन हँसिते दाबि गेलै
हुनक मुस्कीसँ सगरो दुनियाक सम्पति
हृदय सबटा हमर छनमे पाबि गेलै
बनेलहुँ हम अपन जे हुनका सजनमा
जिला भरि केर लोकक मुँह बाबि गेलै
बसल छल मोन मंदिरमे ‘मनु’ जिनक छबि
हुनक हियकेँ हमर विनती भाबि गेलै
(बहरे करीब, मात्राक्रम 1222-1222-2122)
✍🏻 जगदानन्द झा ‘मनु’
कोई टिप्पणी नहीं:
एक टिप्पणी भेजें