सोमवार, 29 जनवरी 2018

बाल गजल

पाबनि सन के चाहल बेटी
कबुला सन के मानल बेटी

पीसल पिठार घोरल सिंदुर
अरिपन सन के पाड़ल बेटी

हमरा चाही खाली मिठाइ
ईहो लड़ाइ ठानल बेटी

मेघक कोरसँ जाड़क भोरसँ
सुंदर सुंदर आनल बेटी

आगू पाछू सभकेँ देखै
से कहियो नै हारल बेटी

सभ पाँतिमे 22-22-22-22 मात्राक्रम अछि। दू टा अलग अलग लघुकेँ दीर्घ मानबाक छूट लेल गेल अछि। सुझाव सादर आमंत्रित अछि।

सुझाव सादर आमंत्रित अछि

कोई टिप्पणी नहीं:

एक टिप्पणी भेजें

तोहर मतलब प्रेम प्रेमक मतलब जीवन आ जीवनक मतलब तों