रुबाइ

खोडब यदि हमर करेज अहां
राखि सकब नै परहेज अहां
बिख अमृत के अवलोकन मे
नोरे लेबैक सहेज अहां
२२२ २११२ ११२

गजल

चन्ना चमकै चान सन
मूहो तोहर पान सन  

सूपक पहिया गोल छै  
लागै हाथी कान सन  

अधबोली सन बात जे
खनकै सोनक खान सन

उप्पर नीचा दौड़ धूप  
ठेस लगेलक छान सन

फूटल फुक्का जोर से
पुक्की पाडल तान सन

२२२२ २१२

गजल

बाल गजल

सोना हमर बुधियार सन

मंदिर महँक जैकार सन

भोजन भगत बदमाश छै

काजक समय बेकार सन

भुसबा तिलबा लाइ धरि

सदिखन तँ चूबै लार सन

बिनु पाइकेँ ने बात छै

आगू बनत पैकार सन

इस्कूल नै जेतै मुदा

नम्बर तँ चाही भार सन

सभ पाँतिमे 2212+2212 मात्राक्रक अछि।

मतलाक पहिल पाँति हेलो मिथिलामे सुनल गीतसँ प्रेरित अछि।

गजल

जटाधारी मनोहारी  वरोदाता  लगैए ई  
कलाधारी नितोघोरा महादेवा  लगैए ई  

रमाजोगी विषोधाता नटोराजा सदोध्याना    
बरदरुढा गणोराजा भसमभूता लगैए ई  

कलाधारी हिमोवासा हतोबाधा गुरुराजा  
नितोयोगी सदाचारी हतोकामा लगैए ई  

महातृष्णा हरणकर्ता दुख निवारक पिता भ्राता
मनोलोका अधोलोका नभोलोका लगैए ई

१२२२ १२२२ १२२२ १२२२

गजल

माय तरेगन तोडि दे    
भानस बासन छोडि दे 
  
खिस्सा राजा भोज के
कहिके घूरो कोडि दे

खेबौ दाना फोँक नै
मूँगफली तूँ फोडि दे

छूछे चूडा पात पर
दहियो कनिये पोडि दे

टूटल घोडा टाँग गै
माटि लगा के जोडि दे

२२२२ २१२

गजल

जाति- धर्मक​  जुन्नामें अँटियाइते रहलहुँ        

छूत​-अछुतक अदहनमें उधियाइते रहलहुँ

पेट कोना जड़लै पतियौलक कियो कहिया

झूठ​-साँचक भाषण धरि पतियाइते रहलहुँ

राज​-पाटक बखड़ामें बटलै अपन मानव​

​ऊँच​-नीचक​  झगड़ामें लतियाइते रहलहुँ

प्यास लगले रहलै गंगा धारमें तैयो

पाप-पुण्यक गंगामें  भसियाइते रहलहुँ     

‘राम’ मनुखक बूझत ​कहिया मोल ई दुनिया

कोण​​-साँन्हिक फ़ेकल धरि बसियाइते रहलहुँ

सभ पाँतिमे मात्राक्रम - 2122+222+2212+22 

तिथि: २४.०२.२०१४

©राम कुमार मिश्र

गजल

गजल

नव किछु कहू घटल की कहए छी
ताहूमँहक असल की कहए छी 

मिठगर करू कनी बोल अपन किछु
सदिखन वचन तनल की कहए छी 

आँहाँ विचारमे सभ त' कठिनगर
फरिछा कहू सरल की कहए छी 

आंगुरसँ गाइन पुराओल बहरमे
ई शेर आ गजल की कहए छी 

खहियारि गप्प राजीव कहब जे
बाजू खखसि दबल की कहए छी 

२२१२ १२२ ११२२
@ राजीव रंजन मिश्र 

गजल

सोइत बाभन कैथ कहार 
मिथिला पर केलक प्रहार 

बिसरू पांती समयक मांग 
माँ मिथिला के छी आधार 

मैथिल जन सन ज्ञाता कतय
जाति बनेलक निपट लचार 

पाँचो आन्गुर लिय मिलाय 
मिथिला के तखने उद्धार 

फूजल मन से कोशिश एक 
खोलत मिथिलाक विजय द्वार

२२२२ २२२१

गजल

कौआ कारी बौआ गोर

बेटी उठलै भोरे भोर

मारा मारी चिकरा चिकरी

कानै बाजै खसबै नोर

धम धम छम छम गम गमसँ

चमकै बिजुरी पोरे पोर

भानस बनलै थारी सजलै

सुगनी पीबै झोरे झोर

भैया मारै जक्खन खूब

हन हन पट पट बजबै ठोर

सभ पाँतिमे 222-222-21 मात्राक्रम अछि।

दोसर आ चारिम शेरक अंतिम दीर्घकेँ लघु मानबाक छूट लेल गेल अछि।

गजल

पराती मलार सोहर

नचारी तँ बात तोहर

दहेजक छलै तमाशा

मसोमात भेल कोबर

जँ रटबै मुकुंद माधव

तँ बीतत समय मनोहर

मजाको मजाक नै छै

रहै ठेस संग ठोकर

प्रचारक तँ खेल नमहर

बनल बादशाह जोकर

सभ पाँतिमे 122+12+122 मात्राक्रम अछि।

गजल

चाहक भाप मे देखल अहां के  
चानक छाप मे देखल अहां के  
  
बाटे घाट बौवाएत सदिखन        
जर के ताप मे देखल अहां के  

गीता बायबिल क़ुरआन बांचल
ढोलक थाप मे देखल अहां के

चूडी रंग रंगक हाथ खनकै
हाथक नाप मे देखल अहां के

२२२१ २२२१ २२

गजल

पूड़ी बनलै गोल गै
बाजू मिठगर बोल गै

पूड़ी गेलै पेट मे    
नाचब सौंसे टोल गै

होली एलै दोग से
बजतै तासा ढोल गै

ममता तोहर चान सन
कोना लगतै मोल गै


२२२२ २१२

अपने एना अपने मूँह-23

मास जनवरी २०१४मे कुल ३८टा पोस्ट भेल जकर विवरण एना अछि---

राम कुमार मिश्रजीक २टा पोस्टमे २टा गजल, राजीव रंजन मिश्रजीक ११टा पोस्टमे ११टा गजल, अमित मिश्रजीक ६टा पोस्टमे ६टा गजल, ओमप्रकाशजीक १टा पोस्टमे १टा गजल, कुंदन कुमार कर्णजीक ३टा पोस्टमे २टा गजल आ १टा भक्ति गजल, जगदानंद झा मनु जीक १टा पोस्टमे १टा गजल, मिहिर झाजीक १टा पोस्टमे १टा रुबाइ, आ आशीष अनचिन्हारक १३टा पोस्टमे १टा आलोचना, ३टा सम्मान संबंधी, २टा गजलकार परिचय,१टा अपने एना अपने मूँह एवं ६टा गजल आएल।

गजल

बाल गजल

मामा हमर खटाइ छै
मामी मुदा मिठाइ छै

नानी रखै नुका नुका
मौसी हमर बिलाइ छै

माए हमर तँ पानि सन
बाबू हमर सलाइ छै

भैया रहै डरल डरल
भौजी हमर अताइ छै

गुड्डी जकाँ उड़ल फिरी
दीदी हमर लटाइ छै

सभ पाँतिमे 2212+12+12 मात्राक्रम अछि।
@

जे नै करत पढ़ाइ रौ
छौंकी तकर दवाइ छै

गजल

दूर जते जाएब अहाँ
लग ओते आएब अहाँ

जँ खसब कहियो कत्तौ
हमरा तँ उठाएब अहाँ

बिसरब तँ बिसरि जाउ मुदा
नोरेसँ नहाएब अहाँ

सोना सन सूरति अप्पन
कहिया देखाएब अहाँ

मेटा जेतै सभटा दुख
घोघ जँ हटाएब अहाँ


सभ पाँतिमे ७ टा दीर्घक प्रयोग।
ऐ गजलमे दू टा अलग-अलग शब्दक लघुकेँ एकटा दीर्घ मानबाक छूट लेल गेल अछि।

गजल

सपनाइत रहलहुँ हम राति भरि
धुधुआइत रहलहुँ हम राति भरि

मेला सुख सेहंता केर छै
मोलाइत रहलहुँ हम राति भरि

ओ राकस छै की महँगाइ छै
भुतिआइत रहलहुँ हम राति भरि

नूआ ब्लाउज धोती पैन्ट छी
फेराइत रहलहुँ हम राति भरि

हमरा संगे अनचिन्हार छै
चकुआइत रहलहुँ हम राति भरि

सभ पाँतिमे 22-222-2212 मात्राक्रम अछि।

गजल

राम जपैत छी रहम करू
कृष्ण सुमरि अहाँ करम करू

कष्ट अनकर बूझिकऽ सदिखन
धन्य कनी अपन जनम करू

कानि रहल बहिन-माय अपन
अंतरमे कनी शरम करू

पजरत आगि ठंढा हियमे
अपन विचारकेँ गरम करू

"ओम"क बात राजा सुनि लिअ
राजक आब किछु धरम करू

दीर्घ, ह्रस्व-ह्रस्व-दीर्घ-ह्रस्व-दीर्घ(मुतफाइलुन), दीर्घ, ह्रस्व-ह्रस्व-दीर्घ
२-११२१२-२-११२ (प्रत्येक पाँतिमे एक बेर)

रुबाई

मायाजाल पसारल जगमे  
भैयारीक लडायल  जगमे 
बिन खंजरक बहल छै शोणित  
बैसल राज चलायल जगमे 

२२२१ १२२ २२

गजल

भाव करेजा क छलकि उठल अछि     
गीत बनल त किछु  गजल बनल अछि    

रागिनि राग मिलल छै नोरमे
नेह बिरह संगहिमे सजल अछि 

बाहर बैसल सगर समाज  छै       
प्रेम पियास अधर तर दबल अछि  

रंग छुटल हाथक अनचोक मे               
काढल रूमाल कतौ खसल अछि

२११२ २११२ २१२

गजल

काल्हि धरि छलहुँ हम अपन ओसारापर
आइ भने सूतल छी हम सारामे
गे हरजाइ तोरा लाज नै अबै छौ
हम मरि गेलहुँ तोहर आसामे


गजल

एहने सजा देबै ओकरा
आब हम बिसरि जेबै ओकरा

गीत सन छलै मुस्की साँझमे
भोरमे तँ हम गेबै ओकरा

किछु इयाद किछु दुख किछु नोर बस
एतबे सौंपि चलि जेबै ओकरा

ठोरपर सरापे छै जानि लिअ
असिरबाद नै देबै ओकरा

हँसि क' लेलकै सभटा दुख हमर
हम तँ आब सुख देबै ओकरा


सभ पाँतिमे 212+122+212 मात्राक्रम अछि।

सुझाव सादर आमंत्रित अछि। ऐ गजलमे गेयता नैकेँ बराबर अछि।