गजल

पानिमे पानि परसल जाइए

आगिमे आगि बाँटल जाइए

शब्दपर शब्द लीखल जाइए

अर्थ बस अर्थ छूटल जाइए

भेल कोंढ़ीक चर्चा रातिमे

भोरमे फूल लोढ़ल जाइए

छै अपन ढेप माटिक मोल नै

आनकेँ सोन बूझल जाइए

आसमे चुप रहैए बेरपर

बेरपर ढोल पीटल जाइए

सभ पाँतिमे 212-2122-212 मात्राक्रम अछि।

गजल

नाम हुनका लग लिखा गेल हमरो

आब की हेतै बुझा गेल हमरो 

दाम अपने हम लगेलहुँ अते कम

जे अपन जीवन लिया गेल हमरो 

भेल छल शुरुए शुरूमे तते जे 

अंतमे सप्पत खुआ गेल हमरो 

रंग हुनकर देखि दुनियों कहल आ

बेरपर कहबी फुरा गेल हमरो

के रहत के नै रहत से कहत के 

आइ देखू भोज खा गेल हमरो

सभ पाँतिमे 2122-2122-122 मात्राक्रम अछि। सुझाव सादर आमंत्रित अछि।

गजल

सत्ता के मातल नेता एलै दुआर हे

दुखमे ई झड़कल जनता फोड़ल कपार हे

रचनामे साधु छै जीवनमे किछु आर हे 

एहनकेँ माने बुझियौ बड़का छिनार हे

नोरे छै कोसी कमला गंगा किनार हे

नोरेमे घोरल गेलै सिंदुर पिठार हे 

आँगनमे रेखा पड़तै भेलै विचार हे 

अपने के केलक पहिने अपने शिकार हे 

मुद्दा तँ लीखै तेना जेना सरकार हे

सरकारक आगू भेलै बंदे बकार हे 

सभ पाँतिमे  22-22-22-22-22-22 मात्राक्रम अछि। दू अलग-अलग लघुकेँ दीर्घ मानबाक छूट लेल गेल अछि। सुझाव सादर आमंत्रित अछि। ई गजल लोकधुनपर आधारित अछि।

गजल

खाली जेबी लोक लग

छुच्छे थारी लोक लग

दिन दुपहरिया हम कहब

रातुक पारी लोक लग 

सिस्टम सेहो चुप रहल

सिस्टमशाली लोक लग

किम्हर गेलै फूल सभ

छै फुलडाली लोक लग

ई सभ बुझलक अंतमे

संकट भारी लोक लग

सभ पाँतिमे 22-22-212 मात्राक्रम अछि। सुझाव सादर आमंत्रित अछि। 

गजल

चानन टिक्का आर मसुआइ

अजगुत खेला भाइ रे भाइ

दुनियाँ माने अतबे बूझू

झूर झमेला लाइ लपटाइ

ई सभ भेलै लेकिन फेरो

की सभ हेतै दाइ गे दाइ

सुख के माने तिलबा हेतै

दुख के माने लाइ चुड़लाइ

हुनके जकाँ हम हाथ जोड़ल

हुनके जकाँ हमहूँ नितराइ

सभ पाँतिमे 22-22-22 मात्राक्रम अछि। दू अलग-अलग लघुकेँ दीर्घ मानबाक छूट लेल गेल अछि। ई बहरे मीर अछि। सुझाव सादर आमंत्रित अछि।

हिंदी फिल्मी गीतमे बहर-33

गजलक मतलामे जे रदीफ-काफिया-बहर लेल गेल छै तकर पालन पूरा गजलमे हेबाक चाही मुदा नज्ममे ई कोनो जरूरी नै छै। एकै नज्ममे अनेको काफिया लेल जा सकैए। अलग-अलग बंद वा अंतराक बहर सेहो अलग भ' सकैए संगे-संग नज्मक शेरमे बिनु काफियाक रदीफ सेहो भेटत। मुदा बहुत नज्ममे गजले जकाँ एकै बहरक निर्वाह कएल गेल अछि। मैथिलीमे बहुत लोक गजलक नियम तँ नहिए जानै छथि आ ताहिपरसँ कुतर्क करै छथि जे फिल्मी गीत बिना कोनो नियमक सुनबामे सुंदर लगैत छै। मुदा पहिल जे नज्म लेल बहर अनिवार्य नै छै आ जाहिमे छै तकर विवरण हम एहि ठाम द' रहल छी। एक बेर फेर बहरक कमाल देखू फिल्मी गीतमे देखू। अजुका गीत अछि 'खिलौना, जानकर तुम तो, मेरा दिल तोड़ जाते हो"। एहि गीतक हरेक पाँतिमे 1222-1222-1222-1222 मात्राक्रम अछि। ई फिल्म "खिलौना" केर गीत अछि। गीतकार छथि आनंद बक्षी। संगीतकार छथि लक्ष्मीकांत-प्यारेलाल। गायक मो.रफी। ई फिल्म 1970मे आएल रहै जाहिमे संजीव कुमार, मुमताज, शत्रुघ्न सिन्हा आदि कलाकार छलथि।

खिलौना, जानकर तुम तो, मेरा दिल तोड़ जाते हो
मुझे इस, हाल में किसके सहारे छोड़ जाते हो

मेरे दिल से ना लो बदला ज़माने भर की बातों का
ठहर जाओ सुनो मेहमान हूँ मैं चंद रातों का
चले जाना अभी से किस लिये मुँह मोड़ जाते हो

गिला तुमसे नहीं कोई, मगर अफ़सोस थोड़ा है
के जिस ग़म ने मेरा दामन बड़ी मुश्किल से छोड़ा है
उसी ग़म से मेरा फिर आज रिश्ता जोड़ जाते हो

खुदा का वास्ता देकर मना लूँ दूर हूँ लेकिन
तुम्हारा रास्ता मैं रोक लूँ मजबूर हूँ लेकिन
के मैं चल भी नहीं सकता हूँ और तुम दौड़ जाते हो

एकर तक्ती उर्दू हिंदी नियमपर कएल गेल अछि।  ई गीत निच्चा सुनि सकैत छी--

गजल

जेहन जेहन भेलै मति

तेहन तेहन भेलै गति

खाली सम्बन्धे टुटलै

जीवनमे छै अतबे क्षति

नै छै कियो जनता लेल

प्रधानमंत्री राष्ट्रोपति

कनियें रस आ बहुते बिख

रखने रहला हमरा प्रति

हम्मर हिनकर जिनकर हो

छै ईहो अति ओहो अति

सभ पाँतिमे 22-22-22-2 मात्राक्रम अछि। दू अलग-अलग लघुकेँ दीर्घ मानबाक छूट लेल गेल अछि। सुझाव सादर आमंत्रित अछि। ई बहरे मीर अछि। 

गजल

बसबिट्टी सन घनगर दुख

बाँसे सन छै नमहर दुख

गोपी बनि ललचाबै सभकेँ

ई टिकुला दुख मज्जर दुख

हुनका हिस्सा सीसो सभ

हमरा हिस्सा पीपर दुख

हारल दुख हमरा भेटल

जीतल जीतल हुनकर दुख

बहुते दिन सुख लग रहितो

रहिए गेलै असगर दुख

सभ पाँतिमे 22-22-22-22 मात्राक्रम अछि। सुझाव सादर आमंत्रित अछि।

गजल

हुनकर आँखिक अतबे सपना

हिंदू मुस्लिम चमरा बभना

साहित्य आ कि राजनीतिमे

अबिते रहलै अदना पदना

अधरतियामे हमहूँ देखल

एकै भेलै अरघा बदना

नोर नोर नोर नोरे नोर

अतबे लिखने रहथिन विधना

दुख भेटल रहै मुँहदेखाइ

दुक्खे रहै हमर मुँहबजना

सभ पाँतिमे 22-22-22-22 मात्राक्रम अछि। दू टा अलग-अलग लघुकेँ दीर्घ मानल गेल अछि। ई बहरे मीर अछि

गजल

 छै अमीरक दिक्कत हीरा सोन दिक्कत

आ गरीबक दिक्कत माँड़े नोन दिक्कत

कोना पुरतै सिंदूर सभ इच्छा लेल

रहतै किछु इच्छा कुमारि तँ कोन दिक्कत

हमहूँ मानि लेलहुँ ओहो मानि लेलक

अइ दुनियाँमे देह दिक्कत मोन दिक्कत

किनको खातिर ई कर्जो भेलै तगमा

किनको खातिर सबूत बला लोन दिक्कत

बिना जनने बिना बुझने उल्टा प्रभाव छै

तांत्रिक सभ लग जोग दिक्कत टोन दिक्कत

सभ पाँतिमे 222-222-222-22 मात्राक्रम अछि। दू अलग-अलग लघुकेँ दीर्घ मानबाक छूट लेल गेल अछि। ई बहरे मीर अछि।

मैथिली गजल

राति चुप अछि आ गगन के ओ चान चुप अछि

फेरि  के  आँगनसँ   मुँह  ई   दलान  चुप  अछि

छोड़ि  के  चलि  गेला  जहियासँ  सभके  बाबा
माँछ-पोखरि,   खेत-गाछी,  मचान   चुप  अछि

बाजि  के  टप  टप   अहाँ  पैघ   नै  भ'  जायब
पैघ  अछि  ओ जे  कि सागर समान  चुप अछि

रूप  हुनकर  "मीर"  के सब  गजलसँ  बढ़ि  के
तँइ  हमर  सब शे'र  बनि  के अकान  चुप अछि

फेर   छी   सबटा   समयक  ई   आर   किछु  नै
शोर  चुप्पी अछिक' रहल  आ  जुबान चुप अछि

~आशुतोष मिश्रा 'अज़ल'

मात्रा क्रम:-२१२२ २१२२ १२१ २२

गजल

गहुमन बली अजगर गली

धामन बली साँखर गली

नेहक धनी जाइत रहल

आँचर गली काजर गली

बगुला भगत भेटल बहुत

बाहर गली भीतर गली

कोना चलब अतबे कहू

हिनकर गली हुनकर गली

आएल रहथिन देवतो

पापक महल पामर गली

सभ पाँतिमे मात्राक्रम 2212-2212 अछि।

गजल

अपना सन नै लागल अनचिन्हार

अनका लग ई बाजल अनचिन्हार

रचनामे कनियों नै रहलै धाह 

सुविधा रसमे डूबल अनचिन्हार

बहुते बाजल लेकिन काजक बेर

नाँगरि सुटका भागल अनचिन्हार

बदलत सभ कहियो बाजल ई बात

अलमीरामे राखल अनचिन्हार

पक्का हेतै ई चिन्हारक काज

सोझा सोझी बाजल अनचिन्हार

सभ पाँतिमे 222-222-222-1 मात्राक्रम अछि। सुझाव सादर आमंत्रित अछि।

मैथिली गजल

फूसि  के  आगू   कते  ई   सच  लचार  अछि
आबि   ठोरक   कोनटा  तँइ  धेने  ठार  अछि

ओस  गाल  पर, जेना  पनिसोखा  उगल अइ
आँखिमे  ओकर  हमर  जीवन  के  सार अछि

अइ जँ  ई जिनगी  नदी  सभहक  तखन  फेर
दुःख-सुख   एकर  बुझू   दूटा   किनार  अछि

सब  कियो  अहि  जगमे   ऋणी  ओकरे  अइ
मृत्युपर  जिनगी  अपन  सभहक  उधार अछि

ई बसात अइ आकि अछि पायल के छम-छम
भ्रम  में  छी  जे  कियो  आयल  त  द्वार अछि

~आशुतोष मिश्रा 'अज़ल'

बह्र-ए-रमल मुसद्दस सालिम

फ़ाइलातुन् फ़ाइलातुन् फ़ाइलातुन्

वज़्न:-२१२२/२१२२/२१२२

गजल

जिनगी छैक अनमोल रे मन
माटि मे नहि तू रोल रे मन

बंद कोठरी गुमसि उठइ छै
द्वार हृदय के खोल रे मन

नेना क अधबोलिया बाजब
कान मे मिसरी घोल रे मन

चोरिक धुन पर गाबि रहल सब
गीतोक अटपट बोल रे मन

भेल चुनाव क गहमा-गहमी
फूजि रहल आब पोल रे मन

घरक झगड़ा आयल चौक पर
पसरल आब भरि टोल रे मन

मलिन मोन आ रूप सजाबै
गुदरी पर जना ख़ोल रे मन

घोघ छै तनने बीत भरि के
बजै छै पटपट लोल रे मन

बरिसय मेघबा झिहिर झिहिर क
पपिहा करय अनघोल रे मन

सोना सन के काया पाबि क
बोल छै कबकब ओल रे मन

✍️✍️✍️जयंती कुमारी

नचारी (शिव‌ भजन/ भक्ति गीत)

हाथ डमरू कान कुण्डल शीर्ष शोभै चान हे

बैसि पर्वत पर धरै एकान्तमे शिव ध्यान हे

रुद्र माला बांहि पहिरल बाघ छाला जांघमे
साँप धारण कण्ठ केने देह मातल भांगमे
पाप नाशक धर्म रक्षक जग करै कल्याण हे
हाथ डमरू कान कुण्डल...................

नैन खुजिते फूल बरसै ठोर बजिते प्रेम यौ
इन्द्र नारद भक्त बनि पूरा करै सब नेम यौ
शुद्ध रहिते भाव सहजे देत सब वरदान हे
हाथ डमरू कान कुण्डल...................

हाथ डमरू कान कुण्डल शीर्ष शोभै चान हे
बैसि पर्वत पर धरै एकान्तमे शिव ध्यान हे

2122-2122-2122-212
(बहरे रमल मुसम्मन महजूफ)

© कुन्दन कुमार कर्ण

www.kundanghazal.com

गजल

अपना हकमे सुविधा लिखने

हमरा हकमे विपदा लिखने

फैक्ट्री चलतै इंटरनेटी

खेती हेतै कदबा लिखने

हमरो अनुभव रखने रहियौ

काँटे भेटत रस्ता लिखने

अनका भरसे कत्ते रहबै

दुनियाँ बदलत अपना लिखने

बैसल रहने किछु नै भेटत

मकता पूरत मतला लिखने

सभ पाँतिमे 22-22-22-22 मात्राक्रम अछि। सुझाव सादर आमंत्रित अछि।

गजल

अहाँ बिना सिन्दुर पिठार की हेतै

अहाँ बिना पावनि तिहार की हेतै

अहीं हमर छी देवता अहीं स्वामी

अहाँ बिना जीवन सकार की हेतै

भरोस नै अछि जे कखन अहाँ आयब

अहाँ बिना बिन्दी कपाड़ की हेतै

कते करी असगर पुजाक तैयारी

अहाँ बिना सौंसे हकार की हेतै

बहुत फरल अछि आम आउ ने गामे

अहाँ बिना फारा अचार की हेतै

मात्राक्रम अछि 1212-2212-1222 मुफाइलुन-मुस्तफइलुन-मुफाईलुन

गजल

भुखिया दुखिया भूखे मरतै  सैह कहू ने
कोठीक  धान धयले रहतै  सैह कहू ने

एना मे गरीब गुरबा सब  मारल जेतै
हाकिम सब अप्पन घर भरतै सैह कहू ने

एकटा कोरोना सँ जिनगी  तबाह  भेलै
दोसर धरतै तब की हेतै सैह कहू ने

नानी धन बइमानी धन की रहलै ककरो
कफन छोड़ि किछुओ नहि जड़तै  सैह कहू ने

ढउआ तँ उड़िया रहल छै हावामे 'लाला'
जे छै थितगर वैह पकड़तै सैह कहू ने

2222-2222-2222 मात्रा क्रम बहरे मीर पर आधारित सुझाव सादर आमंत्रित

अरुण लाल दास
01 जून ,2020

गजल

कहबौ तोरा अपने घरक बात
लगतौ तोरा अपने घरक बात

अइ खाली खाली घरमे सदिखन
तकतौ तोरा अपने घरक बात

काशी केर ठक सभ आब गेलै
ठकतौ तोरा अपने घरक बात

घुमा फिरा कऽ पहिल बलिदान लेल
चुनतौ तोरा अपने घरक बात

बेरा बेरी संदेहक आँखिसँ
पढ़तौ तोरा अपने घरक बात

सभ पाँतिमे 22-22-22-22-2 मात्राक्रम अछि। दू टा अलग-अलग लघुकेँ दीर्घ मानल गेल अछि। सुझाव सादर आमंत्रित अछि।

गजल

करिते रहलै मारि बात

धरिते रहलै डारि पात

हुनकर हँसी चूड़ा दही

हुनकर तामस दूध भात

एक दू तीन चारि पाँच

केने छै अनेको घात

कनी सुगंध कनी अवाज

पसरि गेलै चारू कात

बिच्चे बैसल धनी मनी

बाँकी सभ तँ काते कात

सभ पाँतिमे 22-22-22-2  मात्राक्रम अछि। दू अलग-अलग लघुकेँ दीर्घ मानबाक छूट लेल गेल अछि। सुझाव सादर आमंत्रित अछि।

गजल

बाहर बाहर जोड़ल भतार

भितरे भीतर टूटल भतार

छै मृगतृष्णा सन के विकास

इम्हर उम्हर दौड़ल भतार 

इच्छा माने पूरा समान 

किम्हर जेतै परिकल भतार

लेने हेतै सभटा हिसाब

चुप्पे रहि रहि कानल भतार

हमरा आने देलक समाद

अपने लोकक दागल भतार

सभ पाँतिमे 22-22-22-121 मात्राक्रम अछि। सुझाव सादर आमंत्रित अछि।

गजल

पानि कादो थाल की छै

बोनि उपजा टाल की छै

प्रश्न ईहो पूछि देलक

आर कहियौ हाल की छै

साधि लेलक दर्द सभटा 

राग सुर आ  ताल की छै

घीचि लेतै प्राण सभहक

जीह की छै खाल की छै

गेल सौतिन फेर पोखरि

माछ पुछतै जाल की छै

सभ पाँतिमे 2122-2122 मात्राक्रम अछि।

गजल

जनबल धनबल छलबल मोन

कत्ते सहतै निर्बल मोन

सदिखन चाहै पापक ओट

सुंदर निश्छल निर्मल मोन

गर्जन तर्जन वर्जन सूनि

चुप्पे रहलै कलबल मोन

हमरे हिस्सा थाकल देह

हमरे हिस्सा चनकल मोन

अनका खातिर अनचिन्हार

हमरा खातिर दगधल मोन

सभ पाँतिमे 22-22-22-21 मात्राक्रम अछि। सुझाव सादर आमंत्रित अछि।

गजल

भूमिपर अघोषित आपदा छै

आदमीसँ बेसी देवता छै

मोक्ष लेल साधल मोहमाया

साधनासँ बेसी वासना छै 

मोन मरि कऽ एलै देह खातरि

जीबि जाइ अतबे कामना छै

रत्न सागरक मंथनसँ भेटल 

ई उठा पटक संभावना छै

मोनमे बसल छै मोन हुनकर

संग लेल ई प्रस्तावना छै 

सभ पाँतिमे 212-122-2122 मात्राक्रम अछि। सुझाव सादर आमंत्रित अछि।

गजल

हरी नाम सुमिरन हरी नाम कीर्तन

हरी नाम पूजन हरी नाम वंदन

हरी नाम माथो हरी नाम चंदन

हरी नाम मूँहो हरी नाम दर्पण

हरी नाम बरतन हरी नाम भोजन

हरी नाम देहो हरी नाम पोषण

हरी नाम धरती हरी नाम मेघन 

हरी नाम गर्मी हरी नाम शीतन

हरी नाम  बाहर हरी नाम आँगन

हरी नाम दुनियाँ हरी नाम जनजन

सभ पाँतिमे 122-122-122-122 मात्राक्रम अछि। जनसाधारण लेल हरि केर उच्चारण हरी कएल गेल अछि। सभ भारतीय मानसमे सदासँ उपस्थित अछि हम एकरा मात्र गजलक हिसाबसँ रखलहुँ अछि। सुझाव सादर आमंत्रित अछि। 

गजल

मनोबल मनोरम बना देत निश्चित

मनोकामना सभ पुरा देत निश्चित

नियम ई सदा मोन राखब अहाँ हम 

अपेक्षा उपेक्षित बना देत निश्चित

कते रोकि रखतै कते दाबि सकतै

बहल नोर दुनियाँ जरा देत निश्चित

कनी आचरण ठीक रखबै तँ अनुभव 

गजल नीक सुंदर कहा देत निश्चित

कियो आइ पूजा करैए मुदा ओ 

विसर्जन कऽ जल्दी भसा देत निश्चित

सभ पाँतिमे 122-122-122-122 मात्राक्रम अछि। सुझाव सादर आमंत्रित अछि। 

गजल

पुछारी करा गेल हेतै

बुढ़ारी बना गेल हेतै

अचानक मिझा घूर भागल

जरूरे दगा गेल हेतै

कनी देखलहुँ बाट सरगक

दिबारी जरा गेल हेतै

अबैए गमक किछु अजीबे

कि सुइटर बुना गेल हेतै

विलंबित रहल ताल सभहक

कहीं द्रुत गबा गेल हेतै

सभ पाँतिमे 122-122-122 मात्राक्रम अछि। सुझाव सादर आमंत्रित अछि। 

गजल

सजल नयन मिथिलेश हो मालिक

कमल नयन अवधेश हो मालिक

हुनक कहब छनि जे ई सभ हमरे

हमर बचल कुन देश हो मालिक

दशा दिशा के तय करत अहि ठाँ

सड़ल गलल परिवेश हो मालिक

कनी मनी छनि आचरण हुनकर

बहुत बहुत उपदेश हो मालिक

नवे नवे अफसर नवे भाषण

सुनल सुनल संदेश हो मालिक

सभ पाँतिमे मात्राक्रम 12-1222-1222 अछि।  सुझाव सादर आमंत्रित अछि।

गजल

गतिहत संगत झंझट डेरा

मतिहत पंगत अगबे फेरा

अपने पुरखा कहने रहथिन

करनी जनिअह मरनी बेरा

एना मरतै आलू कोबी

ओना मरतै झिमनी घेरा

बहुते नखरा राँगल जंतुक

शेरक मुद्रा बैसल शेरा  

एकै पेटक तीनू बच्चा

सरदर तख्ता खुहरी चेरा

सभ पाँतिमे 22-22-22-22 मात्राक्रम अछि। सुझाव सादर आममत्रित अछि।

गजल

घड़ी दू घड़ी जे बिता गेल भमरा

बहुत बात हमरा सिखा गेल भमरा 

गमक लीखि देबै मधुर रस परागो

जदी गाछ फूलक पटा गेल भमरा 

निमाहब कठिन छै हलाहल समाने

अपन आन खातिर बिका गेल भमरा 

हमर टीस लेलक अपन टीस देलक

तकर बाद किम्हर नुका गेल भमरा

रहै दाग पुरना मुदा दर्द नवके

हवन कुंड लग सकपका गेल भमरा 

सभ पाँतिमे 122-122-122-122 मात्राक्रम अछि। सुझाव सादर आमंत्रित अछि। 

गजल

इष्ट सीता इष्ट राघव

इष्ट राधा इष्ट माधव

चैत वैशाखक युगल छवि 

अष्टमी छै मास भादव 

आस देलनि रास रचलनि

मुग्ध देवो मुग्ध मानव

नाम रावण नाम कंसे 

नष्ट केलनि दुष्ट दानव 

हित मनुष्यक चाहलथि ओ

एक रघुकुल एक यादव  

सभ पाँतिमे 2122-2122 मात्राक्रम अछि। सुझाव सादर आमंत्रित अछि।  

गजल

आइ जे इतिहास हेतै

काल्हि से उग्रास हेतै

पाइ बिन अतिचार मानू

पाइ बिन मलमास हेतै

की जरूरी हारि मानी

आस रखने रास हेतै

बूझि गेलहुँ बात हुनकर

दोसरे सभ खास हेतै

छल अभयमुद्रा बहुत दिन

आब ओ संत्रास हेतै

सभ पाँतिमे 2122-2122 मात्राक्रम अछि। सुझाव सादर आमंत्रित अछि।  

गजल

अस्त्र हुनकर चालबाजी

शस्त्र हुनकर जालसाजी

डेग डेगक आस रखने

लोक खातिर वेद राजी

चुप भऽ देखै अंग दहिना

वाम खेलै तीख बाजी

सैंत बैसल छी हँसी हम

खूब उछलै नोर पाजी

खूब बंटाधार हेतै

खेल मुकुटक ताज ताजी

सभ पाँतिमे 2122-2122 मात्राक्रम अछि। सुझाव सादर आमंत्रित अछि। 

गजल

मोन बनलै शांतिवादी

पेट बनबै क्रांतिकारी

एक राजा एक रानी

बाद बाँकी दास दासी 

ई जमा हमरे जमा अछि

आँखि भारी पीठ भारी

की कऽ सकतै से तँ कहियौ

दोस्त बनलै काठ आरी

भाग ओकर एहने छै

एकभुक्ते एकचारी

सभ पाँतिमे 2122-2122 मात्राक्रम अछि। सुझाव सादर आमंत्रित अछि। 

गजल

शत्रु सम अभ्यास ताकै

लाशमे उल्लास ताकै

बीचमे छै मोह माया

कातमे संन्यास ताकै

बेचलक जे माघ फागुन

घुरि कऽ ओ मधुमास ताकै

आर पारक खेल हेतै

नित नवल विश्वास ताकै

जानि ने की बूझि दुनियाँ

वास्तविक आभास ताकै

सभ पाँतिमे 2122-2122 मात्राक्रम अछि। सुझाव सादर आमंत्रित अछि। 

गजल

लंफ लंफा संगमे नै

ढेर शंका संगमे नै

आपरूपी इष्ट भेटल

धैर्य हमरा संगमे नै

ई उपासे ओ उपासे

पैंट अंगा संगमे नै

पाइ कोठा फ्रीज सोफा

बीत बिग्घा संगमे नै

काँट हँसलै देखि अतबे 

फूल भमरा संगमे नै

 

बोझ परहक आँटी सनक ई शेर--

देह पूरा ठीक लेकिन

रीढ़ हमरा संगमे नै

सभ पाँतिमे 2122-2122 मात्राक्रम अछि। सुझाव सादर आमंत्रित अछि। 

© कुन्दन कुमार कर्ण

गजल

पानि मँगिते रौद धधकल

रौद मँगिते पानि बरसल 

मोन बुझिते देह उमकल

देह छुबिते मोन बहसल

पाँच बर्खक आस अतबे

धोधि उपजल पेट अफरल

चास केहन बास केहन

फूल रोपल काँट उपजल

ई समय केहन समय छै

प्राणमे छै प्राण अटकल

सभ पाँतिमे 2122-2122 मात्राक्रम अछि। सुझाव सादर आमंत्रित अछि।

गजल

डोकहर वासिनी ग्रामिणी भगवती 

दुखहरी सुखकरी राज राजेश्वरी

मातृदेवी युगल उर्वरी कामिनी

सुंदरी माधुरी काम कामेश्वरी

शालिनी मालिनी शेखरी रागिनी

रुचिकरी शुचिकरी नाद नादेश्वरी

धर्मदा अर्थदा कामदा मोक्षदा 

जयकरी शुभकरी योग योगेश्वरी

कंकिनी काकिनी कोटरी साधिके

शंकरी सहचरी सर्व सर्वेश्वरी

सभ पाँतिमे 212-212-212-212 मात्राक्रम अछि।

गजल

माथा छाती हाथो माछ

रसमे डूबल अधरो माछ 

देखू भेलै केहन भाग

पोखरि कूदै तरलो माछ

अगड़ा पिछड़ा चक्कर चालि

पोठी बनतै रहुओ माछ

अनकर पोखरि कत्ते आस

देलक धोखा अपनो माछ 

केहन केहन हेतै जाल

से सभ जानै नवको माछ

सभ पाँतिमे 22-22-22-21 मात्राक्रम अछि। सुझाव सादर आमंत्रित अछि।

हलिउड/इङ्गलिश फिल्मक गीतमे मिटर (छन्द/बहर)

मात्र हिन्दी फिल्ममे नै इङ्गलिश फिल्मी गीत सबमे सेहो मिटरक भरपूर प्रयोग भेल छै । निच्चा देखू हलिउडक सुपर डुपर हिट फिल्मक अतिलोकप्रिय गीत जे कि गीतक दुनियामे बहुतो रेकर्ड कायम करैत रेकर्डिङ्ग इन्डस्ट्री एशोसियन अफ अमेरिकाद्वारा शताब्दीक गीत(song of the century) मे समावेश भेल छै । एहि गीतक मुखडा आ मुखडाक पैटर्न जतए दोहराएल छै ततए एक किसिमक(6-6-8-6-6-8) आओर अन्तरा आ अन्तराक पैटर्न जतए दोहराएल छै ततए एक किसिमक(7-9-7-6-8) शब्दांश संख्या(syllable count), अर्थात मुखडा आ अन्तरामे दू अलत-अलग मिटरक प्रयोग भेल छै ।

Movie: Titanic (1997)
Lyrics: Will Jennings
Vocal: Celine Dion
Music: James Horner

Every night in my dreams
I see you, I feel you,
That is how I know you go on
Far across the distance
And spaces between us
You have come to show you go on

Near, far, wherever you are
I believe that the heart does go on
Once more you open the door
And you're here in my heart
And my heart will go on and on

Love can touch us one time
And last for a lifetime
And never let go till we're one
Love was when I loved you
One true time I hold to
In my life we'll always go on

Near, far, wherever you are
I believe that the heart does go on
Once more you open the door
And you're here in my heart
And my heart will go on and on

You're here, there's nothing I fear,
And I know that my heart will go on
We'll stay forever this way
You are safe in my heart
And my heart will go on and on


Scansion:

6-6-8-6-6-8
Eve/ ry/ night/ in/ my/ dre/ams…………………..…….6 syllables
I/ see/ you/ I/ feel/ you………………....………………….6 syllables
That/ is/ how/ I/ know/ you/ go/ on………………...8 syllables
Far/ ac/ ross/ the/ dis/ tance…………………………....6 syllables
And/ spa/ ces/ bet/ ween/ us……………………...…...6 syllables
You/ have/ come/ to/ show/ you/ go/ .…..……….8 syllables


7-9-7-6-8
Near/ far / wher/ ev/ er/ you/ are…………………..….7 syllables
I / be / lieve / that / the / heart/ does/ go/ on…..9 syllables
Once/ more/ you/ o/ pen/ the/ door…………………7 syllables
And/ you're/ here/ in/ my/ heart……………………….6 syllables
And /my/ heart/ will/ go/ on/ and/ on…………..….8 syllables
6-6-8-6-6-8
Love/ can/ touch/ us/ one/ time…………………..……6 syllables
And/ last/ for/ a/ life/ time…………..…………………….6 syllables
And/ ne/ ver/ let/ go/ till/ we're/ one….…………….8 syllables
Love/ was/ when/ I/ loved/ you…………………………6 syllables
One/ true/ time/ I/ hold/ to……………………………….6 syllables
In/ my/ life/ we'll/ al/ ways/ go/ on……………………8 syllables


7-9-7-6-8
Near/ far / wher/ ev/ er/ you/ are……………………...7 syllables
I / be / lieve / that / the / heart/ does/ go/ on…..9 syllables
Once/ more/ you/ o/ pen/ the/ door…………………7 syllables
And/ you're/ here/ in/ my/ heart……………………….6 syllables
And /my/ heart/ will/ go/ on/ and/ on……………...8 syllables


7-9-7-6-8
You're/ here/ there's/ no/ thing/ I/ fear……………..7 syllables
And/ I/ know/ that/ my/ heart/ will/ go/ on……...9 syllables
We'll/ stay/ for/ ev/ er/ this/ way…………………….…7 syllables
You/ are/ safe/ in/ my/ heart………………………….....6 syllables
And/ my/ heart/ will/ go/ on/ and/ on…………...…8 syllables

हिंदी फिल्मी गीतमे बहर-32

फिल्म: शिकारी (2000)

शाइर: समीर

गायक: कुमार सानु

संगीतकार: आदेश श्रीवास्तव

मुख्य कलाकारः गोविन्दा, करिशमा कपुर

बहर-ए-मुतकारिब मुसम्मन सालिम (122 x 4)

बहुत ख़ूबसूरत गज़ल लिख रहा हूँ

तुम्हे देखकर आजकल लिख रहा हूँ

मिले कब कहाँ, कितने लम्हे गुजारे

मैं गिन गिन के वो सारे पल लिख रहा हूँ

तुम्हारे जवां ख़ूबसूरत बदन को

तराशा हुआ इक महल लिख रहा हूँ

न पूछों मेरी बेकरारी का आलम

मैं रातों को करवट बदल लिख रहा हूँ

तक्तीअः

बहुत ख़ू / बसूरत / गज़ल लिख / रहा हूँ

122 / 122 / 122 / 122

तुम्हे दे / खकर आ / जकल लिख / रहा हूँ

122 / 122 / 122 / 122

मिले कब / कहाँ कित / ने लम्हे / गुजारे

122 / 122 / 122 / 122

मैं गिन गिन / के वो सा / रे पल लिख / रहा हूँ

122 / 122 / 122 / 122

तुम्हारे / जवां ख़ू / बसूरत / बदन को

122 / 122 / 122 / 122

तराशा / हुआ इक / महल लिख / रहा हूँ

122 / 122 / 122 / 122

न पूछों / मेरी बे / करारी / का आलम

122 / 122 / 122 / 122

मैं रातों / को करवट / बदल लिख / रहा हूँ

122 / 122 / 122 / 122

हिंदी फिल्मी गीतमे बहर-31

फिल्म: आवारगी (1990)

गीतकार: आनंद बक्षी

गायक: गुलाम अली

संगीतकार: अनु मलिक

मात्राक्रमः 1222-1222-1222-1222 (बहर-ए-हजज)

चमकते चाँद को टूटा हुआ तारा बना डाला

मेरी आवारगी ने मुझको आवारा बना डाला

बड़ा दिलकश बड़ा रंगीन हैं ये शहर कहते हैं

यहाँ पर हैं हज़ारों घर घरों में लोग रहते हैं

मुझे इस शहर ने गलियों का बंजारा बना डाला

चमकते चाँद को टूटा.........

मैं इस दुनिया को अक्सर देखकर हैरान होता हूँ

न मुझसे बन सका छोटा सा घर दिन रात रोता हूँ

खुदाया तूं ने कैसे ये जहां सारा बना डाला

चमकते चाँद को टूटा.........

मेरे मालिक मेरा दिल क्यूँ तड़पता है सुलगता है

तेरी मर्ज़ी तेरी मर्ज़ी पे किसका ज़ोर चलता है

किसी को गुल किसी को तूने अंगारा बना डाला

चमकते चाँद को टूटा.........

यही आग़ाज़ था मेरा यही अंजाम होना था

मुझे बरबाद होना था मुझे नाकाम होना था

मुझे तक़दीर ने तक़दीर का मारा बना डाला

चमकते चाँद को टूटा.........

तक्तीअः

चमकते चाँ/द को टूटा/ हुआ तारा/ बना डाला

122 2/1 2 22/ 12 22/12 22

मेरी आवा/रगी ने मुझ/को आवारा/ बना डाला

12 22/12 2 2/ 1 222/12 22

बड़ा दिलकश/ बड़ा रंगी/न हैं ये शह/र कहते हैं

12 22/12 22/ 1 2 2 2/1 22 2

यहाँ पर हैं/ हज़ारों घर/ घरों में लो/ग रहते हैं

12 2 2/122 2/ 12 2 2/1 22 2

मुझे इस शह/र ने गलियों/ का बंजारा/ बना डाला

12 2 2/1 2 22/ 1 222/12 22

मैं इस दुनिया/ को अक्सर दे/खकर हैरा/न होता हूँ

1 2 22/1 22 2/ 12 22/12 22

न मुझसे बन/ सका छोटा/ सा घर दिन रा/त रोता हूँ

1 22 2/12 22/ 1 2 2 2/1 22 2

खुदाया तूँ/ने कैसे ये/ जहां सारा/ बना डाला

122 2/1 22 2/ 12 22/12 22

मेरे मालिक/ मेरा दिल क्यूँ/ तड़पता है/ सुलगता है

12 22/12 2 2/ 122 2/122 2

तेरी मर्ज़ी/ तेरी मर्ज़ी/ पे किसका ज़ो/र चलता है

12 22/12 22/ 1 22 2/1 22 2

किसी को गुल/ किसी को तू/ने अंगारा/ बना डाला

12 2 2/12 2 2/ 1 222/12 22

यही आग़ा/ज़ था मेरा/ यही अंजा/म होना था

12 22/1 2 22/ 12 22/1 22 2

मुझे बर्बाद होना था मुझे नाकाम होना था

12 22/1 22 2/ 12 22/1 22 2

मुझे तक़दी/र ने तक़दी/र का मारा/ बना डाला

12 22/1 2 22/ 1 2 22/12 22

गजल

पूरा धरती नापल ओ

चुप्पे चुप्पे कानल ओ

सुर  लयकारी अनकर छै

अनके आशे नाचल ओ

सभटा माया हुनके छनि

चट हारल पट जीतल ओ

बिख माहुर ओ कीदन खा

कनियें कनियें बाँचल ओ 

बड़का दुख अनचिन्हारक 

चिन्हारक छै दागल ओ

सभ पाँतिमे 222-222-2 मात्राक्रम अछि (बहरे मीर)। सुझाव सादर आमंत्रित अछि।