गजल
गरदनी रसपान देहप्रेमक सोपान भ गेलई
प्रेम रस आब नागक विष पान भ गेलई !
नवयौवनक रुप छलै प्रेम कविक स्वप्रेरणा
देहक सौन्दर्य पर बाला के गुमान भ गेलई !
खेल कूदि पढैत बढैत छोट छीन बालपन
आई नवजात सब अहिना सयान भ गेलई !
मरि रहल अछि संस्कृति, जरैत संस्कार
प्रेमक अनुभूति आब त श्मशान भ गेलई !
गरदनी रसपान देहप्रेमक सोपान भ गेलई
पवित्र प्रेमक भाव के आब उठान भ गेलई !
- भास्कर झा
कोई टिप्पणी नहीं:
एक टिप्पणी भेजें