Sunday, 20 November 2011

गजल

गजल -------- जगदीश चन्द्र ठाकुर 'अनिल'
गोबर नीपल आंगन थीक
तैपर सुन्दर अरिपन थीक।


गुटखा,सिगरेट,पान,तमाकुल
सभ मनुक्खक दुश्मन थीक।


काजक आगू भोजक पाछू
ई अपनेक बडप्पन थीक।


मण्डलजीक 'बिसांढ' पढू
बूझब की जन-जीवन थीक।


बिष प्रत्यक्ष प्रसंशामे अछि
भागू भागू गहुमन थीक।


अन्ना आ अरविन्दक जोडी
एक राम एक लछुमन थीक।


अजब नशा अछि गीत-गजलमे
उत्सवमे इ तन-मन थीक।

No comments:

Post a Comment

तोहर मतलब प्रेम प्रेमक मतलब जीवन आ जीवनक मतलब तों