Thursday, 30 January 2014

गजल



जेना नदी किनारकेँ जीबन
तेना बिना पिआरकेँ जीबन

एकै नजरि तँ देलहुँ आ
भेलै मँहग उधारकेँ जीबन

लै एकटा तँ दोसरा छोड़ै
बस एहने लचारकेँ जीबन

खैरात भेटलौ कते पूछै
मंदिरसँ ई मजारकेँ जीबन

हड़ताल तोड़ि देलकै सभटा
बेकार बोनिहारकेँ जीबन

सभ पाँतिमे 2212+12+122 मात्राक्रम अछि।


सुधार लेल सुझाव सादर आमंत्रित अछि।

No comments:

Post a Comment

तोहर मतलब प्रेम प्रेमक मतलब जीवन आ जीवनक मतलब तों