गजल

प्रस्तुत अछि मुन्ना जीक गजल----

नेनाक नेनमतिसँ कष्ट होइ छै केकरो-केकरो

मुदा जँ सियान करै नेनमति तँ कष्ट हेतै सगरो

बुद्धि तँ जीबाक सभ लग छै राखि तथिआएल बुझू

मुदा बुद्धि बलें मात्र जीबैत देखै छी केकरो-केकरो

डरैए अन्हरियासँ सभ तकैए बाट बिहान केर

अन्हारसँ विलगि क' उजास भेटैए केकरो-केकरो

जँ हियाकेँ हेड़ाबए चाही तँ हेड़ा लिअ कतौ-केखनो

हियासँ हिया मीलि पबैए केखनो क' केकरो-केकरो

जगलोमे देखि लेत अछि सपना केखनो-केखनो

सूतलमे सपनाक यथार्थ भेटैए केकरो-केकरो

आखर-----20