गजलक इस्कूल भाग-54
गजलमे समाजिकता
कोनो साहित्यिक विधाकेँ सिखबाक लेल प्रेम सभसँ नीक विषय होइत छै। कारण प्रेममे सभ किछु आबि जाइत छै। मुदा ऐ संसारमे मात्र प्रेमे टा नै छै... बल्कि घृणा, मारि-पीट, हत्या, भ्रष्टा-चार आदिसभ सेहो छै। नाना प्रकारक कुरीति सभ सेहो छै जकर विषय गजल भए सकैत अछि। हम हरेक गजलकारसँ आग्रह करब जे ओ आब गजलमे पारंगत भए चुकल छथि। आब प्रेम छोड़ि कने एहू विषय पर धेआन देबै तँ ई गजल लेल नीक हेतै।
एकटा आर खास बात अहाँ सभ जेना जनै छी की गजलक हरेक शेर अलग-अलग भाव पर होइत छै तँ गजल हमेशा अलग-अलग भाव बला शेरसँ बनाबू। किछु गजलकार एकै भाव बला शेरसँ गजल बना दै छथि से कने दोषपूर्ण बला बात। तँ आउ आब गजल संसारकेँ आब कने विस्तार दी।
गजलकेँ लए कए जे जते समर्थन आ विरोधमे अवाज उठत से स्वागत योग्य अछि।
आ हम खास कए ओमप्रकाश, अमित मिश्रा आ चंदन झासँ बहुत बेसी आशा लगेने छी।
ऐ तीनूगोटेसँ एकटा आर आग्रह जे घर-घरारी बला झगड़ा आब साहित्यिक क्षेत्रमे सेहो आबि गेल छै तँ जँ केओ दिआद-बाद वा अहाँ सभहँ गौंआ सभ कोनो प्रकारक उपद्रव करै छथि। एहन स्थिति उत्पन्न करै छथि जाहिसँ अहाँक लिखब बन्द भए जाए आ गाम मे हुनक नामक पताका फराइत रहन्हि तँ कृप्या अहाँ सभ घबराबए नै ओहन-ओहन लोकसँ कन्नी काटि लेब। कारण एहन लोकने किछु करताह आ ने अहाँकेँ करए देताह।....
कोई टिप्पणी नहीं:
एक टिप्पणी भेजें