गजल

आइ नोर सँ आँखि बोरि रहल छी ,
ककरो दिश मोन मोड़ि रहल छी ,

तेज श्वासक कोदारि सँ आइ हम ,
यादिक सक्कत मेटि कोरि रहल छी ,

तरेगणक बीच बैसल चान सँ ,
पहिले जेकाँ डोर जोड़ि रहल छी ,

अन्हारक बीच कुकुरक आवाज सँ ,
रहि-रहि क' ध्यान तोड़ि रहल छी ,

कत्तौ- कत्तौ जुगनू चमकी उठै छै ,
नै एला प्रिय ,आश छोड़ि रहल छी ,

राति जुआन बुढ़ सब भेलै देखू ,
ओ औता ,विश्वास नै छोड़ि रहल छी ,

आइ नै त' काल्हि जरूर औता प्रिय ,
यैह सोचि ओछेना छोड़ि रहल छी . . . । ।

अमित मिश्र