गजल

‎हम बाजि रहल छी मायक कोखि सँ ,

हम सबटा सुनै छी बेशक कोखि सँ ,

कष्ट सहब हमर नियती बनल ,

मल- मुत्र खून सहै छी मायक कोखि सँ ,

मारि देब पहिल तीन बहिन जेकाँ ,

सुनि हँसि रहल छी मायक कोखि सँ ,

बेटी कए जौ मारबै यौ भलमानुष ,

बेटा जनमत कोन मायक कोखि सँ ,

हम बेटी छी दुर्गा छी सुनि लिअ अहाँ ,

आइ हुंकार भरै छी मायक कोखि सँ ,

बेटी कए जे केउ सम्मान नै करत ,

नै जनमS चाहब ओ मायक कोखि सँ ,

बेटी बिन बंश ककरो त' नै बढ़तै ,

जारि क' बंश मरै छी मायक कोखि सँ . . . । ।