हजल

‎कनियाँ कए मारि सँ सब त्रस्त भेल छै ,
हकमि चलै जेना भेकम भेल रेल छै ,

चारि बजे भोरे पानि उझलि उठाबथि ,
भ' जाइ छी स्टार्ट बुझू पानि नहि तेल छै ,

चाहक जोगार एगो दोसर हाथ झाड़ू ,
किचेन कए काज सँ कहू कोन मेल छै ,

स्कुलक दौड़ा सँग सब्जी ,बैँक ,बजार ,जेबै ,
जीनगी लागै यै ओलंपिक कए खेल छै ,

होइ साफ झाड़ू सँ बेलनाक मारि खाइ ,
गर्दन पर छै कैँची घर बुझू जेल छै ,

नैहर कए धमकी आतंकी जेकाँ लागै ,
बम बलास्ट सन बाजब ,जान गेल छै ,

पिबै छी जहर मुदा बचा लै यै ब्रत क' ,
लोकल ट्रेन जेकाँ जीनगी ठेलम-ठेल छै ,

लिखै छी प्रेमक गजल ओकरे डर सँ ,
कंठ पर चढ़ि लिखेलक वैह देल छै ,

मर= चाहै छी भाई मदद करू बताबू ,
"अमित" कत= लागल मृत्यु कए सेल छै . . . । ।

अमित मिश्र