अहाँ कखनो तँ बाट हमर घरक धरबै
बिन अहाँक नहि हाथ आन वरक धरबै
अहाँ हमर जीवनक पूर्णिमाक इजोरिया
अहीँ तँ सेनुर हमर सिथ परक धरबै
एही जीवनमे सिनेहिया जँ अहाँ नै भेटबै
जीविते जीविते हम तँ बुझू नरक धरबै
आब फूसीयोसँ एक बेर घर आबि जाउ यौ
अहाँ कखनो तँ कनिको कोनो सड़क धरबै
लाली सेनुर टुकली श्रृंगार हमर सबटा
‘मनु’ लेल बनत नै तँ हम चरक धरबै
(सरल वार्णिक बहर, वर्ण-17)
कोई टिप्पणी नहीं:
एक टिप्पणी भेजें