बीतल फगुआ, चलू आब रब्बी काटय लय,
बूट, खेसारी, सरिसब ओ' तीसी झाँटय लय
भरल दुपहरिया, केहन बहैछै पछबा हन-हन,
चलू कर'लय दओन गहुम, राहडि़ झाँटय लय
बडकी काकी भास लगा, गाबथि चैतावर,
बैसलि माँझे आँगन तिसियओरि खोँटय लय
केहन सोहनगर लागय नवका बूटक सतुआ,
चलू चौबटिया, बाट-बटोही कें बाँटय लय
साँझ पड़ल, पुनि पुरबा पलटल, कोइली कुहके,
बोनिहारक श्रम-पुलकित मन कुदै नाचय लय
कोई टिप्पणी नहीं:
एक टिप्पणी भेजें