अनचिन्हार आखर: गजल

सोमवार, 30 अप्रैल 2012

गजल

गजल
बड़को बड़का के नहि छै आब सट्ठा
के आब ककरा दैए घी आ मट्ठा

ईंटाक घर ककरो ककरो होइ छल पहिने
गाम गाम मे खुजि गेल आब त भट्ठा

सिल्क पॉलिस्टर कीमती वस्त्र पौशाक भेलै
के पहिरैये मोट झोट आ लट्ठा

गामो मे स्क्वायर फूट मे बिकाइए जमीन
बिसरि जायब किछु दिन मे धूर आ कट्ठा

इलेक्ट्रॉनिक मीडियाक जमाना ई आबि गेल
नवयुग मे नहि भेटत स्लेट आ भट्ठा

जनता महगाइ सँ त्राहि त्राहि करै
भ्रष्टाचारी खाईए घी आ मट्ठा

चोर चोर मौसियौत भाई जखने भ गेल
के खोलत आब ककर कच्चा चिट्ठा

सदरे आलम गौहर
मो-9006326629

सदरे आलम ’गौहर’सदरे आलम "गौहर" व्याख्याता:-एस.एम.जे.कालेज खाजेडीह, ग्राम पो:- पुरसौलिया.मधुबनी दाम एतय सभ चीजक देब' पड़ै छै। अधिकारक लेल झग्गड़ क'र' पड़ै छै। गज भरि जमीन जौँ कौरव नहि देब' चाहै। पाँडव के फेर लोहा लेब' पड़ै छै। कर्बला केर खिस्सा त' दुनिया जानै छै। धर्मक खातिर शीश कटाब' पड़ै छै। झग्गड़ झँझट मानलौँ नीक नहि होइ छै मुदा। जीब' खातिर ईहो क'र' पड़ै छै। "गौहर" साधु ब'न' लए चाहैत अछि मुदा। दुर्जन केँ जे पाठ पढ़ाब' पड़ै छै।

अनचिन्हार आखर

सोमवार, 30 अप्रैल 2012

गजल

कोई टिप्पणी नहीं:

एक टिप्पणी भेजें