गजल दिवसपर भेल चर्चा-1
आइ तँ नै मुदा काल्हि मने 10 मार्च हमरा जीवन लेल बहुत महत्वपूर्ण अछि। कारण इ नै जे ओहि दिन हमर जन्म भेल या हमर वैवाहिक वर्षगांठ अछि या.... अन्य कोनो । बस बात एतबे छै जे 10 मार्च 2001केँ दिन कलकत्ताक एकटा बदनाम पार्क ( सेन्ट्रल पार्क मे हमरा बुझाएल जे मैथिलीमे शेरो-शाइरीक बेसी जरुरति छै आ हम निश्चय सेहो केलहुँ आ ओहीठामसँ हमर इ शेरो-शाइरी निकलल। आइ हम धन्यवाद देबए चाहबन्हि ओहि अनाम युवक-युवतीकेँ जे मार्च 10 2001केँ अपन समस्त क्रिया-कलाप मैथिलीमे केलाह मुदा प्रेमक स्वीकारोक्ति उर्दू शाइरीसँ। हम ओहीठामसँ अपन शेरो-शाइरीकेँ जन्म मानैत छी। हमरा ओही दिनसँ गजलक भूत सवार भेल। ओना एखनो मैथिली शाइरी परिपक्व नै अछि मुदा हएत से आशा। कल्हुका पोस्ट हम आइए दए रहल छी।
कोई टिप्पणी नहीं:
एक टिप्पणी भेजें