गजल

बाल गजल

कोइली कहलकै सूगा सँ ,
हम बड पैघ छी तोरा सँ ,

सूगा कहलकै जुनि बाज ,
तोड़िये देबौ लोल रोड़ा सँ ,

गाछी-बिरछी तूँ घुमै छहीँ ,
कारी रूप देख ले ऐना सँ ,

कोइली तुनकि क' बाजल ,
मीठ बाजै छी हम तोरा सँ ,

हम घुमै छी अप्पन मोनेँ ,
बान्हल रहेँ तूँ पिँजरा सँ ,

उठम-बजड़ा , धक्का -मुक्की ,
खूने-खूनाम भेल पैना सँ ,

मोर जी तखन कहलनि ,
नै ल'ड़ तूँ अपने भैया सँ ,

सूगा "अमित" राम गाबै छेँ ,
सीख ले कोइली गबैया सँ . . . । ।

वर्ण- 10

अमित मिश्र