गजल-१९ (१ अप्रैल पर विशेष)
मूरख बड़ा महान ओ'जे अपना के काबिल बुझै छै,
अपन माथक टेटर ठीक्के ककरहु नहि सुझै छै ।
आनक नीको अधलाह ताकब कबिलताइ कहाबे,
अप्पन अधलाहो केर जग मे सबसँ नीक बुझै छै ।
छह-पाँच नहि किछुओ बुझे नहि मोने कलछप्पन,
ऊँच-नीच के भेद ने जाने मूर्ख सबके एक बुझै छै ।
छल-प्रपंच आ राग-द्वेष तऽ काबिल केर गहना छी,
चलैत बाट तइँ ओकरे सभ के भिखमंगो लुझै छै ।
पर-उपकारे लीन रहै जे सैह अछि अस्सल ज्ञानी ,
"चंदन" असली ज्ञानी जगमे ओ' जे नहि खूब बुझै छै ।
-----वर्ण-२०-----
कोई टिप्पणी नहीं:
एक टिप्पणी भेजें