गजल

गजल-८ काजरसँ शोभा आँखिक की आंखिसँ शोभित काजर करिया जादू सँ केलक सभके सम्मोहित काजर नजरि नञि ककरो लागय जादू - टोना छू - मंतर डायनो-जोगिन के केलक मोन के मोहित काजर अपना नजरि ने लागै की लेती ओ प्राण अनकर फँसल मोन दुविधा में ई देख अघोषित काजर सम्हारल जेतै कोना कऽ ई भाव करेजक भीतर परसैऽ प्रणय - निवेदन नैन नवोदित काजर ई मेघो देखि लाजयल जे कारी खट-खट काजर "नवल" कलंकक सोझा भऽ गेल अलोपित काजर ***आखर-१९ (सरल वार्णिक बहर) ©पंकज चौधरी (नवलश्री) (तिथि-१७.०६.२०१२)