आइ मेला मे माँ झुनझुना किने दे
चल सिया झा के मीठ पेड़ा किने दे
कह कटै छै छागर किए खून पसरल
लिखल छै जत' कटनाइ पतरा किने दे
लाल फूक्का दे गै पियर फूल छापल
लाल देबै मिरचाइ सूगा किने दे
नाच नाचै नटुआ कते भीड़ लागल
हमहुँ सीखब बजेनाइ बाजा किने दे
दीप चल बारब हमहुँ मंदीर जगमग
"अमित" करबै उपवास केरा किने दे
फाइलातुन-मुस्तफाइलुन-फाइलातुन
2122-2212-2122
बहरे-खफीफ
अमित मिश्र
कोई टिप्पणी नहीं:
एक टिप्पणी भेजें