अनचिन्हार आखर: गजल

गुरुवार, 29 मार्च 2012

‎घोघ हुनकर उतरि गेलै .
पवन संगे ससरि गेलै ,

आँखि रहि गेलै खुजल यौ ,
रूप यौवन निखरि गेलै ,

टोह मे छल मोन बगुला ,
राशि सुन्नर उचरि गेलै ,

चउरचन मे चान पूजब ,
पावइन सब बिसरि गेलै ,

जेठ मे मधुमास एलै ,
गाछ नव दिल मजरि गेलै ,

मधुप केलक आक्रमण बड
काम मे सब लचरि गेलै ,

अंशु आशक झाँपि लेलनि ,
कुकुर पर जे नजरि गेलै ,

पाप भेलै ,घोघ ससरल ,
"अमित " के मन हहरि गेलै . . . । ।

फाइलातुन
{2 -1-2-2}
बहरे-रमल
अमित मिश्र