अनचिन्हार आखर: गजल

गुरुवार, 29 मार्च 2012

बाल गजल

भनसा धर दिश दौड़लनि बौआ ,
अपन जलखइ माँगलनि बौआ ,

बीच आँगन मे ऊँच पिढ़ी लगेला ,
छरपला , डोलल खसलनि बौआ ,

देखलनि माँ के ठाढ़ हाथ फैलेने ,
चोट बिसरि कोरा बैसलनि बौआ ,

दादी एलखिन लेने बाटी बौआ के .
दूध देख क' बाटी फेकलनि बौआ ,

बाबू खेलखिन मिरचाइ सोहारी ,
हुँनको चाही से जीद धेलनि बौआ ,

गेँद गुड्डा हाथी , देब मोटर कार ,
बहुते मनेलौँ नै मानलनि बौआ ,

संग मे जाएब घुमै लए सर्कस ,
"अमित" सँ चारि लड्डू लेलनि बौआ . . . । ।

बर्ण-13

अमित मिश्र